ప్రేయసిని వీడలేక పరితపించే ఒక ప్రేమికుడి బాధే ఈ నా పాట .....

నేకన్న కలలు అన్నీ కల్లలాయను నేడే ఓ చెలియా నువు కానవా .....
నా ఆశల ఊసులన్నీ పంపుతున్నా నీకే నా సఖియా నువు చూడవా .....

నీ ఊహలలో నేనున్నా ..... నా ఊపిరివే నువ్వంటున్నా .....
కాలమెలా  పోతున్నా ..... నే కదలనని కూర్చున్నా .....

నీతో ఉన్న క్షణములే , అన్న మాటలే గుర్తుకొస్తుంటే నాకే ..... నువు లేని ప్రస్తుతం రాని జీవితం వద్దేవద్దని నీకై వస్తున్నా .....
ఓ చెలీ .............

నేకన్న కలలు అన్నీ కల్లలాయను నేడే ఓ చెలియా నువు కానవా .....
నా ఆశల ఊసులన్నీ పంపుతున్నా నీకే నా సఖియా నువు చూడవా .....

--
Vamc Gadu

పచ్చాపచ్చని చీరకట్టి , గాలికి రెపరెపలాడే , నేలా తల్లి ఒళ్ళు నేడే నెర్రెలిచ్చేనా .... అయ్యో రైతన్నేమో మాయమయ్యేనా , అయ్యో రైతన్నే మాయమయ్యేనా ....

నాగలిబట్టి , దుక్కిదున్ని , విత్తునాటి , పైరుకోసి , కుప్పలేసి అమ్మబోతే మన్ను మిగిలేనా అన్నా నీ నోటి కాడికి కూడు చేరేనా .....

గద్దెలెక్కిన పెద్దలేమో రైతుయే మహరాజు అంటూ , రైతులేనిదే దేశమే లేనేలేదంటూ .... సభలు పెట్టి , మైకు పట్టి , ఊకదంపుడు దంచికొట్టి , చేయలేకో చేతగాకో చేయడానికి మనసు రాకో చల్లటేలా మెల్లగా జారుకుంటుంటే .....

ఎండ అనక , వానలనక , చలిని కూడా లెక్కచేయక , మండే సూరికెదురు నిలిచి సాగు చేస్తున్నా ..... పుడమి కడుపులో నీరు లేక పైరు ఏమో నేల చూపులు .... మింటి నుండి చుక్క రాలదు నీ కంటిలో కన్నీరు ఆగదు .....

కరువు కోరలు కాటువేయగ పొలము పండక బాధకుండగా , అరువు కాకులు చుట్టుముట్టి శ్వాసకూడా సలుపనీయక ..... నేల చేరని నీటి కోసం వెతికి వెతికి వేసారి , వెతకలేక ఆశ జారి ...... చివరి సారిగ వెతకడానికి నింగి చేరావా .... ఆ మబ్బులో కన్నీరు నింపి నేలకంపేవా .....

ఓ రైతన్నా ఆ మబ్బుల్లో నీ కన్నీరు నింపి నేలకంపేవా .....